ऋद्धिपूर मध्यान्ह पूजावसर
श्रुंगार सर्व बरवा, बरवी पूजाही ।
स्वीकारुनि विहरणा प्रभुराज जाई ।
एकीकडे भट दुजी महादाइसा ती ।
स्कंधावरी सुशिबिका नितही वाहाती ॥ १ ॥
तो कोथळा सुशिबिकारुढ स्वामियाची ।
सेवा करी धरुनिया चवरी स्वहस्ती ।
जाउनि आपविहिऱ्या प्रभुजी गुढ्यासी ।
वाकी- सुशोभितपदे संबंध देती ॥२॥
ते पापपिंपळ जिथे प्रभु नित्य जाती ।
हस्ते पदे प्रतिदिनी संबंध देती ।
तेथौनि दाभविहिरी नगरांत क्रीडा
।ोई प्रवृत्तिवश त्या स्वच्छंदलीळा ॥३॥
दाभेरिये क्रीडुनिया परतौनि येता ।
पोमाइदत्त उदका स्वीकरी सुदाता ।
प्रस्थान तेथुनि प्रवृत्तिवशे कृपाळा ।
लीळा बहुविध पुरांत करावयाला ॥४॥
देवालयी प्रतिगृही मढमंदिरी तो ।
स्वच्छंद क्रीडुनि पवित्र तया करीतो ।
येता पुरांत चरणी तुळशी वाहाती ।
श्रद्धान्विता सुवनिता नित भक्तजाती ॥५॥
ऐसे विहार करुनि प्रभु सौख्यराशी ।
तो येतसे अनुचरासह स्वगृहासी ।
मध्यान्हकाळ पुजना स्विकरौनि स्वामी ।
भक्तीजनास करि तृप्त नित तृप्तकामी ॥६॥
पूजेपुढा अवसरु आरोगणेचा ।
जेथे स्विकार प्रभुला शुभभावनेचा ।
आबाइसाविण कुणी करिता ती सेवा ।
की जीवधर्म कधिही नच मान्य देवा ॥ ७ ॥
आरोगणासमयी तो प्रभु आग्रहाने ।
पेंडाळु भाकर अळर्कवसादि मागे ।
आंबे वृतांक मधुकाकडी वोंबियांनी ।
प्रसन्नता स्विकरिजे जणु तृप्तका ॥८॥
आरोगणेतील तळीव लाडु पुरिया ।
जाती प्रसाद म्हणुनि जगळाख्य राया ।
चावीरिया थुकरिया शुभकर्दमाचा ।
भक्तांसि लाभत असे सुप्रसाद साचा ॥९॥
तक्रोदना स्विकरिती नित भोजनान्ती ।
तक्रांजली लुखिसहोदर माइल्यासी ।
ऐशा अतीव सुरसा विविधा पदार्थी ।
आबाइसा करितसे प्रभुदास्य प्रीती ॥१०॥
ते दास्य ते भजनही मजला घडावे ।
ती योग्यता करुनिया मज उद्धरावे ।
प्रार्थितो प्रभुवरा तव पादपद्मी ।
द्या प्रेम ही विनवणी परिसौनि स्वामी ॥ ११॥
त्या सावळापुरिचिया दुहितेप्रमाणे ।
आप्तृत्व ते उरवले नच अद्धमाने ।
हे जाणतो तरिहि मी मम मायबापा ।
द्या प्रेम हेच विनवी विसरौनि पापा ॥ १२ ॥
औदास्य जे परिहरू शकली ना खोडी ।
साधेस त्या बघुनि ते औदास्य सोडी ।
तीतेचि दाढ नख केशकलाप फोडी ।
तैसी घडो कणवी मजलाही थोडी ||१३||
ऐशा सुरेख प्रभुजी ! तुझिया सुलीला ।
की पूर येई स्मरता नयनी सलीला ।
स्वीकारिजो कवन हे पुरवूनि आर्ती ।
यावी नरेशहृदयात परेशमूर्ती ॥ १४ ॥
मालिनी
जय कृतबहुमुक्ती सुंदरानंत शक्ती ।
जय विकसितविद्या, घोर संसारवैद्या ।
जय जगभरिता श्रीकृष्णराया विमाया ।
जय तिलकतसृष्टी पाहि मां प्रेमदृष्टी ॥ १४ ॥
जय सुकृत सुकाळा मोक्षमार्गादिमुळा ।
जय हतभवदोषा चारु मायांगवेषा ।
जय धृतपळभारालर्कताप प्रहारा ।
जय युगचयटीळा तूचि दत्ता सुलीळा ॥१५॥
जय जगचयबीजा गोमतीक्षिप्तपुंजा ।
जय करधृतसूर्पा मार्जनी चिन्हऋणा ।
जय विगलितसंज्ञा चक्रपाणी मनोज्ञा ।
जय वर सुखदानी तूचि आम्हा निदानी ॥ १६ ॥
जय सुरवर वैद्या जीववैद्यानुवैद्या ।
जय परमविलोका रक्षिता शेषलोका ।
जय विमलभवारी चिद्रमेशावधारी ।
जय विहरतशक्ती तू परासेव्य भक्ती ||१७||
जय परमनिधाना मोक्षदानावसाना ।
जय शुकनवनेत्रा चंडविरार्जवक्त्रा ।
जय निरामय धामानंतधानंतनामा ।
जय भवभयनाशा चक्रपाणी परेशा ॥ १८ ॥
जय सुभगचरित्रा जीवतीर्था पवित्रा ।
जय विबुधशरण्या क्षाळिताद्यौघपुण्या ।
जय सुखनिधिमूर्ती केवलापारकीर्ती ।
जय विविधविहारा तू परानंदहीरा ॥ १९ ॥
जय सकळसमाना ज्ञानिभक्ताभिमाना ।
जय विगलितविवादा सृष्टीमूळादिकंदा । जय
मधुरकटाक्षा ब्रह्मविद्या सुभैक्षा ।
जय बहुविध वेधा फेडि संसारबाधा ॥२०॥
अधिकसमविहिन क्षेम पै वोद्वितिये
प्रथम परमपूज्यामाजि लाभैकसीमा ।
न पुसवे हि वेत्ते ब्रह्म सांगो न जाणे ।
परतरहित जीवा स्थान चांपेलगौरा ॥ २१ ॥
खुलुरि परधनाची दैवसंकेत ठावो ।
सकळ गुणगणांचे दीप मोक्षैकधाम ।
वर मुनिवर देवानंदसाम्राज्यतारू ।
विदितभरित मुक्ती गुर्जर ब्रह्म जाणे ||२२||
इति श्रीपरधर्मे महामोक्षैक साधने श्रीनागार्जुनोपदेशे श्रीकवीश्वरबास विरचित जयाष्टक तथा श्रीनरेंद्रमुनि अंकुळनेरकर विरचित ऋद्धपूर मध्यान्हकाळ पूजावसर स्तोत्र संपूर्णम् ॥
