श्रीचक्रधर स्तोत्रम्

श्रीसच्चिदानंदमयं स्वरुपम् । मुख्यादिनामाङ्कितशक्तियुक्तम् ।

षड्लक्षणं श्रीपरमेश्वराख्यम् । तं चित्परं चक्रधरं स्मरामि ॥१॥

श्रीमन्महावाक्यनिगूढतत्वम् । ज्ञात्वा परानन्दमयस्वरुपम् ।

आनंदरूपं परमेश्वरस्य । तं चित्परं चक्रधरं स्मरामि ॥२॥

यो देवताः सर्वगुणाश्च धर्मा । ज्ञानं च विज्ञानमथैव सर्वम् ।

सामर्थ्यमस्याखिलशक्तियुक्तम् । तं चित्परं चक्रधरं स्मरामि ||३||

जीवाय कैवल्यपदं ददाति । श्रीजीवकैवल्यमिति स्तुवन्ति ।

व्यक्तेऽप्यव्यक्ते धृतशक्तिचक्रम् । तं चित्परं चक्रधरं स्मरामि ॥४॥

मुख्यादिसंज्ञं त्ववतारसंज्ञं । वस्तूपसंज्ञोभयदर्शिसंज्ञम् ।

चक्राख्यमानन्दमयेश्वरं च । तं चित्परं चक्रधरं स्मरामि ॥५॥

धर्मादिसंज्ञास्त्रिविधापरस्था । माया चिदन्या पुरतः पुरस्तात् ।

यस्येति शक्त्याश्च परावराख्या । तं चित्परं चक्रधरं स्मरामि ||६||

आमुख्यशक्तेः पुरमाविदेहात् । यः शुद्धचैतन्यमयं दधाति ।

मायापुरंधारणमेव नित्यम् । तं चित्परं चक्रधरं स्मरामि ॥७॥

इत्थं पुरा सम्प्रति कर्मभूमौ । दत्वा प्रबोधं कृपयावतीर्य्य ।

तान्नित्यबोधान् स्वयमुद्दधार । तं चित्परं चक्रधरं स्मरामि ॥८॥

यस्य प्रवृत्याः प्रवृत्तिः पराख्या । स्थित्युद्भवान्तादि करोति कर्म ।

आज्ञाधरा यस्य चिदादयश्च । तं चित्परं चक्रधरं स्मरामि ॥९॥

एकोऽपि देवः स च पंचधाभूत् । उद्धर्तुमार्तान्नपि कर्मभूमौ ॥

क्रीडत्यसावेवयुगाऽनुरूपम् । तं चित्परं चक्रधरं स्मरामि ॥ १० ॥

यस्यैव नामस्मरणेन पुंसा । भवन्ति वेधादिदशप्रकाराः ॥

नश्यन्ति कर्माणि महाभयानि । तं चित्परं चक्रधरं स्मरामि ॥११॥

केचिद्विशेषं मुनयो वदन्ति । तत्सर्वमुक्तं च तदीयमूर्ती ।

सन्तीह सर्वाणि च साधनानि । तं चित्परं चक्रधरं स्मरामि ॥१२॥

न यन्मूर्तिवस्तुस्मरणेन सर्वे । स्मृत्युद्भवश्चक्रधरेति नाम्ना ।

प्राप्तः सुसिद्धिं तमनुप्रयान्तः । तं चित्परं चक्रधरं स्मरामि ||१३||

ज्ञानैश्चतुर्भिर्मलकर्मजाल मनाद्यविद्यां कृपया च छित्त्वा ।

ददाति कैवल्यमनुस्मृतानां । तं चित्परं चक्रधरं स्मरामि ॥ १४ ॥

उद्धारको रक्षक एव जीवान् । निर्देशतच्चक्रधरेति नाम्ना ।

अन्तेतु मामुद्धर रक्ष चक्रिन् ! । त्वां नामिनं नामयुतं स्मरामि ॥ १५ ॥

श्रीपारमाण्डल्यशिवात्मजेन ।गोविन्दसंज्ञेन मुनीश्वरेण ।

स्तोत्रं कृतं चक्रधरेति नाम्ना ।स्मृत्वा प्रमाणानि महादिवाक्यम् ॥१६॥

नामस्तोत्रमहापुण्यं । यः पठेत्प्रातरुत्थितः ।

सर्वबन्धैर्विनिर्मुक्तः । परं कैवल्यमाप्नुयात् ॥ १७॥

इति श्रीपरधर्मे महामोक्षैकसाधने श्रीनागार्जुनोपदेशे श्रीमन्महानुभावपण्डितवर्य पारमाण्डल्याम्नायदीक्षित गोविंदराजमहात्मना विरचितं श्रीचक्रधरनामस्तोत्रं समाप्तम्